“Elche” hujumchisi Lukas Boye La Liganing grand jamoasiga o‘tishi mumkin. 25 yoshli hujumchi xizmatlariga “Barselona” qiziqish bildirmoqda, deb xabar beradi “Marca” nashri.
Manbaga ko‘ra, agar hujumchi Lyuk de Yong jamoani tark etsa, “ko‘k-anorranglilar” argentinalik futbolchi bilan shartnoma imzolashi mumkin.
Boye 2021 yilning yozidan beri “Elche”da to‘liq to‘p surmoqda va u yerga “Torino”dan 2 million yevro evaziga ko‘chib o‘tgan. Futbolchining klub bilan shartnomasi 2024 yilning 30 iyuniga qadar amal qiladi. Transfermarkt ma’lumotlariga ko‘ra, futbolchining bozor qiymati 5 million yevroga teng.
Boye joriy mavsumda 16 ta o‘yinda maydonga tushib, 6 ta gol urdi va bitta golli uzatmani amalga oshirdi.
