“Эльче” ҳужумчиси Лукас Бое Ла Лиганинг гранд жамоасига ўтиши мумкин. 25 ёшли ҳужумчи хизматларига “Барселона” қизиқиш билдирмоқда, деб хабар беради “Marca” нашри.

Манбага кўра, агар ҳужумчи Люк де Йонг жамоани тарк этса, “кўк-анорранглилар” аргентиналик футболчи билан шартнома имзолаши мумкин.

Бое 2021 йилнинг ёзидан бери “Эльче”да тўлиқ тўп сурмоқда ва у ерга “Торино”дан 2 миллион евро эвазига кўчиб ўтган. Футболчининг клуб билан шартномаси 2024 йилнинг 30 июнига қадар амал қилади. Трансфермаркт маълумотларига кўра, футболчининг бозор қиймати 5 миллион еврога тенг.

Бое жорий мавсумда 16 та ўйинда майдонга тушиб, 6 та гол урди ва битта голли узатмани амалга оширди.