18 yanvar, seshanba kuni Italiya kubogi 1/8 final bosqichi doirasida “Lasio” o‘z maydonida “Udineze”ni qabul qildi.
O‘yinning qiziqarli epizodlaridan biri mehmonlar futbolchisi Ignasio Pussetto va Rim jamoasi bosh murabbiyi Maurisio Sarri bilan sodir bo‘ldi.
To‘p uchun kurashda "Lasio" futbolchisi Manuel Lassari Pussettoni maydondan tashqariga chiqarib yubordi va u Sarriga katta tezlik bilan urildi. Voqea davomida hatto murabbiyning ko‘zoynaklari ham yechilib ketdi.
Biroq, yakunda Sarri va Pussetto o‘rnidan turib, tabassum bilan qo‘l siqib qo‘yishdi.
