“Bavariya” hujumchisi Robert Levandovski Dortmundning “Borussiya” jamoasi yulduzi Erling Xoland bilan bir jamoada o‘ynay oladimi, degan savolga javob berdi.
“Bir yoki ikki hafta birga mashq qilsak, nimadir deyishim mumkin. Erling mendan farqli o‘yinchi. Lekin, u top futbolchi va men uning Bundesligada o‘ynaganidan, shuningdek, o‘zining qanchalik yaxshi ekanligini ko‘rsatayotganidan xursandman”, - deya polshalik to‘purarning so‘zlarini keltiradi “Bild”.
Joriy mavsumda Xoland Bundesliganing 13 ta uchrashuvida 15 ta gol urdi va 5 ta golli uzatmani amalga oshirdi. Shuningdek, norvegiyalik hujumchi Chempionlar ligasi guruh bosqichining 3 ta uchrashuvida 3 ta gol urishga erishdi.
Levandovski 19 ta o‘yinda 23 ta gol urdi va 1 ta golli uzatmani amalga oshirdi. Chempionlar ligasida esa 6 o‘yinda 9 gol va 2 golga assistentlik qilgan.
