“Бавария” ҳужумчиси Роберт Левандовски Дортмунднинг “Боруссия” жамоаси юлдузи Эрлинг Холанд билан бир жамоада ўйнай оладими, деган саволга жавоб берди.

“Бир ёки икки ҳафта бирга машқ қилсак, нимадир дейишим мумкин. Эрлинг мендан фарқли ўйинчи. Лекин, у топ футболчи ва мен унинг Бундеслигада ўйнаганидан, шунингдек, ўзининг қанчалик яхши эканлигини кўрсатаётганидан хурсандман”, - дея польшалик тўпурарнинг сўзларини келтиради “Bild”.

Жорий мавсумда Холанд Бундеслиганинг 13 та учрашувида 15 та гол урди ва 5 та голли узатмани амалга оширди. Шунингдек, норвегиялик ҳужумчи Чемпионлар лигаси гуруҳ босқичининг 3 та учрашувида 3 та гол уришга эришди.

Левандовски 19 та ўйинда 23 та гол урди ва 1 та голли узатмани амалга оширди. Чемпионлар лигасида эса 6 ўйинда 9 гол ва 2 голга ассистентлик қилган.