"Arsenal" bosh murabbiyi Mikel Arteta hujumchi Pyer-Emerik Obameyangning holati haqida gapirdi.

“U koronavirus bilan kasallangandan keyin terma jamoa uni Londonga qaytarishga qaror qilgan. Obameyang yana "Arsenal"da o‘ynaydimi? Biz o‘yinchining sog‘lig‘i eng yaxshi holatda ekanligiga ishonch hosil qilishimiz kerak, keyin nima bo‘lishini ko‘ramiz", - dedi mutaxassis.

Ma’lumot uchun, "Arsenal" va Gabon terma jamoasi hujumchisi Pyer-Emerik Obameyang bir kun avval terma jamoadan chetlatilgan va Afrika Millatlar Kubogidan to‘g‘ri Londonga qaytgandi.

Rasmiy ma’lumotlarga ko‘ra, gabonlik hujumchida koronavirus bilan kasallanganidan so‘ng yurak xastaligi tashxisi qo‘yilgan.