“Real Madrid” yarimhimoyachisi Eden Azar atrofidagi vaziyat murakkab va noaniqligicha qolmoqda.
Marca xabariga ko‘ra, belgiyalik futbolchi mavsum oxirigacha Madridda qolmoqchi. Azar hali ham “Real Madrid”da muvaffaqiyat qozonishni xohlaydi.
31 yoshli futbolchini o‘z safiga qo‘shibolishga ko‘plab klublar qiziqish bildirmoqda deb bo‘lmaydi. Azar 2012 yildan 2019 yilgacha o‘ynagan “Chelsi” va “Nyukasl” jamoalari vingerga qiziqish bildirmayapti. Edenning yuqori maoshi boshqa klubga o‘tishga to‘sqinlik qilmoqda.
Shunga qaramay, “Real Madrid” Azarning yozda ketishini istamoqda, chunki klub 2022 yil yozida madridliklar amalga oshiradigan yirik transferlar oldidan ko‘plab futbolchilardan qutilishi kerak.
Joriy mavsumda Azar “Real Madrid” safida barcha musobaqalarda 16 ta o‘yinda maydonga tushdi va 2 ta golli uzatmani amalga oshirdi.
