“Реал Мадрид” яримҳимоячиси Эден Азар атрофидаги вазият мураккаб ва ноаниқлигича қолмоқда.
Маrcа хабарига кўра, бельгиялик футболчи мавсум охиригача Мадридда қолмоқчи. Азар ҳали ҳам “Реал Мадрид”да муваффақият қозонишни хоҳлайди.
31 ёшли футболчини ўз сафига қўшиболишга кўплаб клублар қизиқиш билдирмоқда деб бўлмайди. Азар 2012 йилдан 2019 йилгача ўйнаган “Челси” ва “Ньюкасл” жамоалари вингерга қизиқиш билдирмаяпти. Эденнинг юқори маоши бошқа клубга ўтишга тўсқинлик қилмоқда.
Шунга қарамай, “Реал Мадрид” Азарнинг ёзда кетишини истамоқда, чунки клуб 2022 йил ёзида мадридликлар амалга оширадиган йирик трансферлар олдидан кўплаб футболчилардан қутилиши керак.
Жорий мавсумда Азар “Реал Мадрид” сафида барча мусобақаларда 16 та ўйинда майдонга тушди ва 2 та голли узатмани амалга оширди.
