“Arsenal” so‘nggi bir necha hafta ichida “Lion” bilan yarimhimoyachi Bruno Gimaraeyshning transferi borasida ishlarni olib bormoqda. Londonliklar futbolchini ijaraga olishni rejalashtirgandi, ammo bu kelishuv amalga oshmadi.

Britaniyaning “Daily Mirror” nashri xabariga ko‘ra, “kanonirlar” fransuz klubi talablarini o‘ta yuqori deb atagan. “Arsenal” rahbarlarining fikricha, braziliyalikning olti oylik ijarasi ularga juda qimmatga tushadi. Bundan tashqari, “Lion” shartnomaga 50 million yevroga sotib olish variantini kiritmoqchi.

Natijada, britaniyaliklar “Yuventus” yarimhimoyachisi Arturni munosibroq nomzod deb hisoblab, unga e’tiborini qaratishlari mumkin.