“Арсенал” сўнгги бир неча ҳафта ичида “Лион” билан яримҳимоячи Бруно Гимараэйшнинг трансфери борасида ишларни олиб бормоқда. Лондонликлар футболчини ижарага олишни режалаштирганди, аммо бу келишув амалга ошмади.
Британиянинг “Daily Mirror” нашри хабарига кўра, “канонирлар” француз клуби талабларини ўта юқори деб атаган. “Арсенал” раҳбарларининг фикрича, бразилияликнинг олти ойлик ижараси уларга жуда қимматга тушади. Бундан ташқари, “Лион” шартномага 50 миллион еврога сотиб олиш вариантини киритмоқчи.
Натижада, британияликлар “Ювентус” яримҳимоячиси Артурни муносиброқ номзод деб ҳисоблаб, унга эътиборини қаратишлари мумкин.