Toshkentda davom etayotgan «Buxoro» yig‘iniga ukrainalik Dmitro Sidorenko kelib qo‘shildi.

Bo‘yi 190 sm bo‘lgan himoyachi 1994 yil 31 iyul kuni Ukrainaning Donesk viloyatida tavallud topgan. Sidorenko Ukrainaning «FK Avangard K», «FK Energiya N-K», «Metallist 1925» kabi jamoalarida to‘p tepgan bo‘lib, o‘tgan mavsum «Dinamo» safida harakat qilib Pro-liga va O‘zbekiston kubogi bahslarida jami 16 uchrashuvda maydonga tushib, 5 ta gol urishga muvvafaq bo‘lgan.

Shuningdek, 24 yoshli hujumkor yarim himoyachi Sobit Sindarov ham bugundan jamoamiz mashg‘ulotlariga kirishdi. «Paxtakor» tarbiyalanuvchisi bo‘lmish Sindarov, 2019 yil futbol masuminining 2-davrasidan, 2020 yil yakuniga qadar «Qo‘qon 1912» jamoasi va o‘tgan mavsum «Neftchi» jamoasi sharafini himoya qilgan. Futbolchi faoliyati davomida jami 46 uchrashuvga maydonga tushib, 7 ta gol muallifiga aylangan.

Mazkur futbolchilar  yangi mavsumga tayyorgarlikni «Buxoro» bilan birga olib borishadi.