Тошкентда давом этаётган «Бухоро» йиғинига украиналик Дмитро Сидоренко келиб қўшилди.

Бўйи 190 см бўлган ҳимоячи 1994 йил 31 июль куни Украинанинг Донецк вилоятида таваллуд топган. Сидоренко Украинанинг «ФК Авангард К», «ФК Энергия Н-К», «Металлист 1925» каби жамоаларида тўп тепган бўлиб, ўтган мавсум «Динамо» сафида ҳаракат қилиб Про-лига ва Ўзбекистон кубоги баҳсларида жами 16 учрашувда майдонга тушиб, 5 та гол уришга муввафақ бўлган.

Шунингдек, 24 ёшли ҳужумкор ярим ҳимоячи Собит Синдаров ҳам бугундан жамоамиз машғулотларига киришди. «Пахтакор» тарбияланувчиси бўлмиш Синдаров, 2019 йил футбол масуминининг 2-даврасидан, 2020 йил якунига қадар «Қўқон 1912» жамоаси ва ўтган мавсум «Нефтчи» жамоаси шарафини ҳимоя қилган. Футболчи фаолияти давомида жами 46 учрашувга майдонга тушиб, 7 та гол муаллифига айланган.

Мазкур футболчилар  янги мавсумга тайёргарликни «Бухоро» билан бирга олиб боришади.