Angliyaning «Manchester Yunayted» klubi bosh murabbiyi Ralf Rangnik jamoaning burchak zarbalari bilan bog‘liq muammo haqida fikr bildirdi.

Joriy mavsum "mankunianliklar" 21 uchrashuvda 114 marta burchakdan to‘pni o‘yinga kiritishdi, lekin bir marta ham gol kirita olishmadi. «MYU» so‘nggi marta burchakdan to‘pni 2021 yilning mart oyida «Vest Xem» qarshi o‘yinda kiritgandi. O‘shanda Kreyg Douson o‘z darvozasini kutilmagandi ishg‘ol etib qo‘ygandi. «Manchester Yunayted» futbolchisi Xarri Maguayr o‘tgan yilning yanvar oyida «Sheffild» darvozasiga burchak zarbasidan keyin gol kiritgandi.

«Bu borada mashg‘ulotlarda yaxshiroq ishlash kerak, qolaversa, uzatilayotgan zarbalar ustida ham ishlash kerak. To‘g‘risini aytganda, bu juda g‘alati, chunki, bizning futbolchilar texnik jihatdan to‘pga to‘g‘ri xizmat qilishlari kerak.

Biz hali ham bu borada ishlashimiz kerak. «Aston Villa»ga qarshi o‘yinda jarima zarbasidan gol kiritdik. Biz standart vaziyatlarda xavfliroq va samaraliroq bo‘lishimiz kerak», – dedi murabbiy.