Angliyaning «Manchester Siti» klubi sobiq futbolchisi Mayk Richards APL chempionlik uchun kurash haqida fikr bildirdi.

«Manchester Siti» ayni paytda 57 ochko bilan peshqadamlik qilmoqda. «Liverpul» esa 45 ochko bilan "shaharliklar"ni ta’qib qilib kelmoqda.

– «Manchester Siti» chempionlikni qo‘ldan chiqarish uchun nima ro‘y berishi kerak?

– Barchasi o‘zlarining qo‘lida. O‘ylaymanki, standartlar juda yuqori bo‘ldi.

Aftidan bir necha marotaba jarohat olgan de Bryuyne ayni paytda o‘z sport formasiga kirib bormoqda. Bernardu esa tashabbusni o‘z qo‘liga oldi va jamoani hozirgi holatiga olib keldi. To‘g‘risini aytganda, "Manchester Siti" ta’qibchilari o‘rtadagi farqni yo‘qqa chiqarishi ishonmayapman. Faqatgina "shaharliklar"ning o‘zlari chempionlikni boy berishi mumkin, agar ketma-ket qo‘pol xatoliklarga yo‘l qo‘ysa.

Standartlarni pasayishiga yo‘l qo‘yib bo‘lmaydi. Ko‘pchilik "Manchester Siti" chempionlikni naqd qilib qo‘ygani haqida gapirishmoqda, lekin bunday emas. «Liverpul» yanada bosimni oshiradi. «Chelsi»da biroz ortga chekinish bo‘ldi, lekin ular o‘zlariga kelib olishlariga ishonishmoqda. Ular chempionlik uchun umidlarini uzmagan deb ayta olaman, – dedi Richards.