Sky Germany jurnalisti Mark Berenbekning xabar berishicha, "Chelsi" va "Inter" "Shtutgart" himoyachisi Borna Sosaga qiziqish bildirmoqda.

Manba bergan xabarga ko‘ra, har ikki klub kelasi yozda 24 yoshli xorvatni o‘z safiga qo‘shib olishga urinib ko‘rishni rejalashtirgan. Qayd etilishicha, “Aston Villa” futbolchining transferi bo‘yicha muzokaralar olib borayotgan edi, biroq nemis jamoasi futbolchi uchun 30 million yevro talab qilgani sababli kelishuv amalga oshmay qoldi.

2021/22 yilgi mavsumda Sosa “Shtutgart” safida 18 ta o‘yinda maydonga tushib, 2 ta gol va 4 ta golli uzatmaga mualliflik qilgan. Transfermarkt.kom portali futbolchining narxini 20 million yevroga baholamoqda.