Sky Germany журналисти Марк Беренбекнинг хабар беришича, "Челси" ва "Интер" "Штутгарт" ҳимоячиси Борна Сосага қизиқиш билдирмоқда.
Манба берган хабарга кўра, ҳар икки клуб келаси ёзда 24 ёшли хорватни ўз сафига қўшиб олишга уриниб кўришни режалаштирган. Қайд этилишича, “Астон Вилла” футболчининг трансфери бўйича музокаралар олиб бораётган эди, бироқ немис жамоаси футболчи учун 30 миллион евро талаб қилгани сабабли келишув амалга ошмай қолди.
2021/22 йилги мавсумда Соса “Штутгарт” сафида 18 та ўйинда майдонга тушиб, 2 та гол ва 4 та голли узатмага муаллифлик қилган. Трансфермаркт.ком портали футболчининг нархини 20 миллион еврога баҳоламоқда.
