«Atalanta» bosh murabbiyi Jan Pyero Gasperini yarimhimoyachi Yosip Ilichichning psixologik muammolari haqida gapirdi.
Sloveniyalik futbolchi depressiya kuchaygani uchun 9 yanvardan beri klubda o‘ynamagani haqida ma’lumotlar berilgan edi.
«Menga bunday narsalar haqida gapirish har doim qiyin, chunki bu juda shaxsiy munosabatlar. Faqat shuni aytishim mumkinki, biz Ilichich bilan doim yaqin bo‘lganmiz, chunki bu futboldan, kasbdan ham tashqaridagi munosabatlarni anglatadi.
Biz uni ko‘p yillardan beri bilamiz, ko‘p baxtli onlarni birga boshdan kechirganmiz. U men uchun ijobiy odam.
Umid qilamanki, u tezroq maydonga qaytadi. Biroq murabbiy sifatida ayta olamanki, bularning barchasi oldindan aytib bo‘lmaydigan va nozik jarayonlar», - deydi murabbiy.
