«Bavariya» Germaniya Bundesligasining 20-turidan o‘rin olgan uchrashuvda «Gerta» ustidan yirik hisobda g‘alaba qozondi. Berlindagi «Olimpia stdion»da bo‘lib o‘tgan uchrashuv 4:1 hisobida mehmonlar foydasiga hal bo‘ldi.

«Bavariya»ning gollariga Korentin Tolisso, Tomas Myuller, Leroy Sane va Serj Gnabri mualliflik qildi. «Gerta» safida esa Yurgen Ekkelenkamp gol urdi.

«Bavariya» 49 ochko jamg‘arib, Germaniya chempionati turnir jadvalida Dortmundning «Borussiya»sini 6 ochkoga ortda qoldirib, peshqadamlikni davom ettirmoqda. «Gerta» hisobida 22 ochko bor va ular 13-o‘rinda bormoqda.

“Gerta” — “Bavariya – 1:4

Gollar: 0:1 – 25 Tolisso, 0:2 – 45 Myuller, 0:3 – 75 Sane, 0:4 – 79 Gnabri, 1:4 – 80 Ekkelenkamp.

“Gerta” – Shvolov, Pekarik, Boyata, Dardai (Plattenxardt, 58), Gexter, Mittelshtedt (Askasibar, 58), Darida (Byerkan, 58), Tuzar, Serdar, Belfodil (Ekkelenkamp, 80), Maolida (Yovetich, 69).

“Bavariya” – Noyer, Zyule, Ernandes (Upamekano, 80), Pavar, Tolisso (Zabitser, 69), Kimmix, Myuller (Vanner, 80), Levandovski, Gnabri (Musiala, 80), Koman (Richards, 69), Sane.

Ogohlantirishlar: Serdar (70).