«Barselona» hujumchisi Ansu Fati jamoa muxlislariga murojaat qildi.
«Afsuski, men futbolning eng yomon bosqichini boshdan kechirmoqdaman, lekin hech qachon taslim bo‘lmayman. Qo‘llab-quvvatlash haqidagi xabarlaringiz uchun sizga katta rahmat. Hech qachon taslim bo‘lmang», deb yozdi Fati tvitterda.
Eslatib o‘tamiz, hujumchi «Atletik» bilan o‘yinning (2:3) 61-daqiqasida zaxiradan maydonga tushgan va 35 daqiqadan so‘ng jarohati tufayli maydonni tark etgandi. Maydonni tark etgan Fati ko‘z yoshlarini tiya olmadi.
Ma’lumotlarga ko‘ra, shifokorlar futbolchining joriy mavsumda mushaklarida oldingi jarohatning qaytalanishini oldini olish uchun jarrohlik amaliyotini o‘tkazish tarafdori. Yakuniy qaror futbolchi va uning ota-onasi bilan uchrashuvdan so‘ng qabul qilinadi.
Fati operasiya qilingan taqdirda, u taxminan uch oyni o‘tkazib yuborishi mumkin.
