«Chelsi» jarohat olgan futbolchisi Ben Chilluellning o‘rniga vaqtinchalik o‘rinbosar qidirishda davom etmoqda. «Arsitokratlar» yanvar oyi oxirigacha yana bir futbolchi bilan kelishib olishga harakat qiladi. Gap «Shtutgart»ning chap qanot himoyachisi Born Sosa haqida ketmoqda.
Bu haqda Sky Germany nashri jurnalistlari xabar berishdi. 24 yoshli xorvatiyalik futbolchining transferi uchun «Chelsi» taxminan 30 million yevro to‘lashi kerak. Londonliklar keyinchalik sotib olish opsiyasi bilan ijaraga olish taklifi bilan chiqishlari ham mumkinligi aytilmoqda.
Sosa joriy mavsumda «Shtutgart»ning yetakchilaridan biri. Futbolchi barcha musobaqalarda 18 ta o‘yinda maydonga tushib, 2 ta gol va 4 ta golli uzatmaga mualliflik qilgan.
