«Челси» жароҳат олган футболчиси Бен Чиллуэллнинг ўрнига вақтинчалик ўринбосар қидиришда давом этмоқда. «Арситократлар» январь ойи охиригача яна бир футболчи билан келишиб олишга ҳаракат қилади. Гап «Штутгарт»нинг чап қанот ҳимоячиси Борн Соса ҳақида кетмоқда.
Бу ҳақда Sky Germany нашри журналистлари хабар беришди. 24 ёшли хорватиялик футболчининг трансфери учун «Челси» тахминан 30 миллион евро тўлаши керак. Лондонликлар кейинчалик сотиб олиш опцияси билан ижарага олиш таклифи билан чиқишлари ҳам мумкинлиги айтилмоқда.
Соса жорий мавсумда «Штутгарт»нинг етакчиларидан бири. Футболчи барча мусобақаларда 18 та ўйинда майдонга тушиб, 2 та гол ва 4 та голли узатмага муаллифлик қилган.
