“Bryugge” klubi hujumchisi Sharl de Ketelare faoliyatini Angliya Premyer-ligasida davom ettirishi mumkin. “Tottenxem” 20 yoshli belgiyalik futbolchining xizmatlariga qiziqish bildirmoqda, deb yozadi jurnalist Ekrem Konur.

Manbaga ko‘ra, futbolchi yozda “Tottenxem”ga o‘tishi mumkin.

De Ketelarening “Bryugge” bilan amaldagi shartnomasi 2024 yilning 30 iyuniga qadar amal qiladi. Hujumchi klub tarbiyalanuvchisi hisoblanadi. Transfermarkt ma’lumotlariga ko‘ra, hujumchining bozor narxi 27 mln yevroni tashkil qiladi.

De Ketelare joriy mavsumda barcha turnirlarda 32 ta o‘yinda maydonga tushib, 13 ta gol urdi va 8 ta golli uzatmani amalga oshirdi. 2020 yilda hujumchi Belgiya terma jamoasiga chaqirilgan bo‘lib, u to‘rtta o‘yinda maydonga tushib, bitta gol urgan.