“Брюгге” клуби ҳужумчиси Шарл де Кетеларе фаолиятини Англия Премьер-лигасида давом эттириши мумкин. “Тоттенхэм” 20 ёшли бельгиялик футболчининг хизматларига қизиқиш билдирмоқда, деб ёзади журналист Экрем Конур.
Манбага кўра, футболчи ёзда “Тоттенхэм”га ўтиши мумкин.
Де Кетеларенинг “Брюгге” билан амалдаги шартномаси 2024 йилнинг 30 июнига қадар амал қилади. Ҳужумчи клуб тарбияланувчиси ҳисобланади. Трансфермаркт маълумотларига кўра, ҳужумчининг бозор нархи 27 млн еврони ташкил қилади.
Де Кетеларе жорий мавсумда барча турнирларда 32 та ўйинда майдонга тушиб, 13 та гол урди ва 8 та голли узатмани амалга оширди. 2020 йилда ҳужумчи Бельгия терма жамоасига чақирилган бўлиб, у тўртта ўйинда майдонга тушиб, битта гол урган.
