Italiyaning «Milan» klubi bosh murabbiyi Stefano Pioli A Seriya doirasida «Yuventus» (0:0) jamoasiga qarshi bo‘lib o‘tgan o‘yindan so‘ng, shogirdlarining o‘yinlariga baho berdi.

«Bugungi sharoit va raqibni hisobga olgan holda, biz to‘g‘ri o‘ynadik, lekin raqib jarima maydonchasi ichida bizga aniqlik yetishmadi. Maydonning holati ham yaxshi emasdi, to‘pni uzatishda ko‘p xatoga yo‘l qo‘yishga majbur bo‘ldik. To‘pni nazorat qilish uchun qo‘shimcha kuch sarfladik va bu o‘yinni sekinlashtirib qo‘ydi.

Biz xavfli o‘yin namoyish etishga va «Yuventus»ga imkon bermaslikka harakat qildik. Biz Messiasani maydon markaziga yaqin bo‘lgan joy joylashtirdik, ammo hujumlarning so‘nggi bosqichida bizga nimadir yetishmadi. Buni taktik muammo deb o‘ylamagan bo‘lardim, raqib jarima maydonchasi ichida futbolchilarimiz bor edi, lekin yakuniy harakat samara bermadi.

Bizning stakanimizning yarmi bo‘sh, chunki, bugun bahs «Spesiya»ga qarshi o‘yindan keyinroq bo‘lib o‘tdi. Agar biz «Spesiya»ni mag‘lubiyatga uchratganimizda, u holda bugungi durang o‘zgacha qabul qilinardi.

«Yuventus» va «Inter» jamoalari qarshi o‘yinlar kelajagimiz haqida ko‘p narsalarni ko‘rsatib berishini bilardik. Agar «Inter»ni mag‘lubiyatga uchrata olmasak, u holda o‘tgan yilgi mavsum takrorlanadi»-dedi Pioli.