Myunxenning «Bavariya» klubi bosh murabbiyi Yulian Nagelsmann Bundesliga doirasida «Gerta» (4:1) jamoasiga qarshi bo‘lib o‘tgan uchrashuvdan keyingi fikrlari bilan o‘rtoqlashdi.

«Ko‘rsatgan o‘yinimizdan qoniqish hosil qildim. Raqibga qarshi pressing uyushtirish borasida juda yaxshi o‘ynadik, ko‘plab golli vaziyatlarni yaratdik va to‘pni juda yaxshi nazorat qildik. Ikkinchi bo‘limda «Gerta» biroz "uyg‘ondi", lekin, haqli g‘alabaga erishdik.

O‘tkazib yuborgan golimiz meni yaratgan vaziyatlarimizdan ko‘ra ko‘proq tashvishga solmoqda. «Gerta»da bitta vaziyat bo‘ldi va bundan unumli foydalandi, qolgan vaziyatlarda yaxshi himoyalandik. Bu kerak bo‘lmagan gol edi. Gol kiritilgan vaziyatda bizga bosim bo‘lmadi - shunchaki to‘pni ushlab turishimiz va raqib nima qilishga urinishini kuzatib turishimiz kerak edi. Hisob 4:0 bo‘lganidan keyin vaziyatni yanada yaxshiroq nazorat qilishimiz kerak edi. Manuel Noyer ham o‘z darvozasi dahlsizligini saqlab qolmoqchi edi, shu sababli, u ham biroz g‘azablandi», – dedi Nagelsmann.