Futbolchining son mushaklarida jarohat bor.

Xoland Germaniya chempionati 20-turidan o‘rin olgan “Xoffenxaym”ga qarshi o‘yinda (3:2) jarohat oldi. 63-daqiqada norvegiyalik futbolchi maydonni tark etishga majbur bo‘ldi. Uning o‘rnini Aksel Vitsel egalladi.

Manbaga ko‘ra, 21 yoshli norvegiyalikning son mushaklarida muammo bor. Futbolchi davolanishi va tibbiy ko‘rikdan o‘tishi kerak. Qayta tiklash vaqti hali e’lon qilinmagan.

Joriy mavsumda Xoland "Borussiya Dortmund" safida barcha turnirlarda 20 ta o‘yinda maydonga tushib, 23 ta gol va 6 ta golli uzatmaga mualliflik qilgan.