"Arsenal"ning sobiq bosh murabbiyi, hozirda FIFAning global rivojlanish departamenti rahbari Arsen Venger jahon chempionatini har 2 yilda bir marta o‘tkazish g‘oyasi haqida gapirdi.
“Hammasini futbol olami hal qiladi. Mendan terma jamoalar uchun o‘yinlar taqvimini tashkil etishni so‘rashdi, lekin tushunishingiz kerakki, 2028 yilgacha, hatto 2030 yilgacha ham hech narsa o‘zgarmaydi, chunki JCH-2026 va Yevro-2028 allaqachon rejalashtirilgan. Shundan keyin Milliy federasiyalar qaror qabul qiladi.
Mavsum yakunida saralash bahslarini guruhlash va yirik turnirlarni o‘tkazish orqali klublar va terma jamoalar o‘rtasida keskinlik kamayishi uchun taqvimni tashkil qilishni taklif qilaman. Biz to‘rt yillik davrga ega tizimda o‘sganmiz. Futbol olami odatda o‘zgarishlarga chidamli va bizning loyihamiz butun taqvimni ag‘darib yuborayotgani haqiqat.
Ammo yosh avlodga qarasangiz, 10 yoshdan 18 yoshgacha bo‘lgan yoshlarda vaqt haqidagi tasavvurlari bir xil emas, voqealarga bo‘lgan talabi boshqacha. Menimcha, hozir odamlar doimo muhim voqealar bilan oziqlanishi kerak, chunki ular bunga o‘rganib qolgan. Ko‘ramiz, hammasi 2024 yilgacha hal bo‘ladi", - deya Vengerning so‘zlarini keltiradi L’Equipe.
