"Vest Xem" hamda Angliya terma jamoasining sobiq a’zosi Trevor Sinkler "MYU" futbolchisi haqida gapirdi. U Jessi Lingardga to‘xtalib o‘tdi:

"Lingard hozirgi jamoasida o‘z o‘rnini topa olmayotganini hamma ko‘rib turibdi. Ammo "MYU" rahbariyati uni qo‘yib yubormoqchi emas. Vaholangki, futbolchi eski jamoasi "Vest Xem" safiga o‘tishi mumkin edi. Ammo "MYU" bunga ruxsat bermaydi. Sababi esa oddiy: ayni damda bu ikki jamoa to‘rtinchi o‘rin uchun to‘g‘ridan-to‘g‘ri kurashmoqda. Shu sabab Lingard na "Vest Xem"ga sotildi, na ijaraga berildi".

Eslatib o‘tamiz, APLning so‘nggi turida "bolg‘achilar" "qizil iblislar"ga imkoniyatni boy berib qo‘yishdi.