Ispaniyaning «Valensiya» klubi «Milan» yarim himoyachisi Samuel Kastilyexoning transferi borasida muzokaralarni boshladi.
Calciomercato nashrining tarqatgan ma’lumotiga qaraganda, ispaniyalik futbolchi «rossonerlar» bosh murabbiyi Stefano Piolining rejalariga kirmayapti, shu sababli, uning "Milan"dan ketishiga hech qanday to‘sqinlik bo‘lmaydi.
Gap, keyinchalik sotib olish sharti bilan ijaraga olish haqida ketmoqda. Agar Kastilyexo «Mestalye»da o‘zini ko‘rsata oladigan bo‘lsa, u holda «ko‘rshapalaklar» mavsum yakuniga yetgach, uning transferini to‘laqonli ravishda sotib olishadi.
Joriy mavsum Kastilyexo «Milan» tarkibida 5 ta uchrashuv o‘tkazdi.