"Jenoa" va Italiya olimpiya terma jamoasi a’zosi Andrea Kambyaso bir qator grand klublar nishonida bo‘lib turibdi, deya xabar berdi "Calciomercato".
Ma’lum bo‘lishicha, unga hozirda "Yuventus", "Inter", "Atalanta", "Napoli" bilan birga "Tottenxem" ham qiziqish bildirgan. Hozirda genuyaliklar futbolchini sotish niyati yo‘q.
21 yoshli chap qanot himoyachisi va "Jenoa" o‘rtasidagi amaldagi shartnoma 2023 yilning 30 iyunida yakuniga yetadi. Futbolchi Italiya chempionatining joriy mavsumida 22 o‘yinda maydonga tushib, 1 gol va 4 golli uzatmani amalga oshirdi.
