«Yuventus» hujumchisi Alvaro Morataning agenti Xuanma Lopes futbolchining huquqlariga egalik qiluvchi Madridning «Atletiko» klubi rahbariyati bilan uchrashadi. Uchrashuvdan ko‘zlangan maqsad ispaniyalik futbolchining «Barselona»ga potensial transferini yana bir bor muhokama qilish bo‘lib, amalga oshirishga yana bir urinib ko‘rishdir.
Gazzetta dello Sport jurnalistlarining xabar berishicha, Lopes madridliklar rahbarlari bilan murosa topishga harakat qiladi. Eslatib o‘tamiz, avvalroq «matraschilar» o‘z o‘yinchisini 18 oyga to‘g‘ridan-to‘g‘ri kataloniyaliklar safiga ijaraga berish g‘oyasidan voz kechishgan.
«Yuventus» bosh murabbiyi Massimiliano Allegri ham Morataning ketishiga qarshi ekanligini ham unutmaslik kerak.
