«Ювентус» ҳужумчиси Алваро Моратанинг агенти Хуанма Лопес футболчининг ҳуқуқларига эгалик қилувчи Мадриднинг «Атлетико» клуби раҳбарияти билан учрашади. Учрашувдан кўзланган мақсад испаниялик футболчининг «Барселона»га потенциал трансферини яна бир бор муҳокама қилиш бўлиб, амалга оширишга яна бир уриниб кўришдир.
Gazzetta dello Sport журналистларининг хабар беришича, Лопес мадридликлар раҳбарлари билан муроса топишга ҳаракат қилади. Эслатиб ўтамиз, аввалроқ «матрасчилар» ўз ўйинчисини 18 ойга тўғридан-тўғри каталонияликлар сафига ижарага бериш ғоясидан воз кечишган.
«Ювентус» бош мураббийи Массимилиано Аллегри ҳам Моратанинг кетишига қарши эканлигини ҳам унутмаслик керак.
