«Yuventus» yarimhimoyachisi Rodrigo Bentankur «Aston Villa» qiziqishlari doirasida bo‘lib turibdi. Bu haqda italiyalik jurnalist Janluka Di Marsio xabar berdi.
Manbaga ko‘ra, Birmingem klubi 24 yoshli urugvaylik uchun 20 million yevro va bonuslar taklif qilgan. Shu bilan birga, Turin klubi Bentankur uchun kamida 25 million yevro olishni istaydi. Bunga sabab «Yuve» haligacha «Boka Xuniors»dan yarimhimoyachining kelajakdagi transferi uchun 30% qarzi bor. Bu 2017 yilda tuzilgan shartnoma bo‘lib, o‘shanda Rodrigo 15,7 million yevro evaziga Turin klubiga o‘tgandi.
Agar Bentankur «Yuventus»ni tark etsa, klubda uning o‘rnini bosish uchun ikkita variant bor. Birinchisi, yana bir urugvaylik Naytan Nandez. Ikkinchi o‘rinda Menxengladbaxning «Borussiya» klubi yetakchisi Denis Zakariya.
Bentankur joriy mavsumda «Yuventus» safida barcha musobaqalarda 26 ta o‘yinda maydonga tushdi va 3 ta golli uzatmani amalga oshirdi.
