«Ювентус» яримҳимоячиси Родриго Бентанкур «Астон Вилла» қизиқишлари доирасида бўлиб турибди. Бу ҳақда италиялик журналист Жанлука Ди Марсио хабар берди.

Манбага кўра, Бирмингем клуби 24 ёшли уругвайлик учун 20 миллион евро ва бонуслар таклиф қилган. Шу билан бирга, Турин клуби Бентанкур учун камида 25 миллион евро олишни истайди. Бунга сабаб «Юве» ҳалигача «Бока Хуниорс»дан яримҳимоячининг келажакдаги трансфери учун 30% қарзи бор. Бу 2017 йилда тузилган шартнома бўлиб, ўшанда Родриго 15,7 миллион евро эвазига Турин клубига ўтганди.

Агар Бентанкур «Ювентус»ни тарк этса, клубда унинг ўрнини босиш учун иккита вариант бор. Биринчиси, яна бир уругвайлик Найтан Нандез. Иккинчи ўринда Менхенгладбахнинг «Боруссия» клуби етакчиси Денис Закария.

Бентанкур жорий мавсумда «Ювентус» сафида барча мусобақаларда 26 та ўйинда майдонга тушди ва 3 та голли узатмани амалга оширди.