«Nyukasl» va «Lion» braziliyalik yarimhimoyachi Bruno Gimaraeshning ingliz klubiga transferi shartlarini kelishib oldi. Bu haqda jurnalist Fabrisio Romano tvitterda xabar berdi.

24 yoshli yarimhimoyachi uchun «qarg‘alar» 40 million yevro to‘laydi, kelishuvda 8 million yevrogacha (futbolchining o‘yinlariga qarab) bonuslar ham ko‘zda tutilgan. Avvalroq «Nyukasl» futbolchining maoshini 4 baravar oshirishga tayyorligi haqida xabar berilgandi - endi Gimaraesh oyiga 220 ming yevro oladi.

Transferni yakunlash uchun agentlarning to‘lovlarini kelishish kerak. Bu amalga oshishi bilan «Nyukasl» klub xodimlaridan birini Brunoni tibbiy ko‘rikdan o‘tkazish uchun Braziliyaga jo‘natadi.

Brunoning «Lion» bilan shartnomasi 2024 yilning yoziga qadar amal qiladi. Joriy mavsumda u fransuz klubi safida barcha musobaqalarda 25 ta o‘yinda maydonga tushib, 6 ta golli uzatmani amalga oshirdi.