«Barselona» klubi «Vulverxempton» yarim himoyachisi Adam Traoreni qishda qo‘lga kiritish uchun harakatlarni olib bormoqda. Shu bilan birgalikda, "ko‘k-anorranglilar" yangi o‘yinchini ro‘yxatdan o‘tkazish bilan bog‘liq muammoga ega. Aslida Traoreni La ligada ro‘yxatdan o‘tkazish uchun klub boshqa o‘yinchini sotishi kerak. Ammo Traorening agenti — Jorje Mendesh transfer sxemasini taklif qildi.  

Xabaringiz bor, kataloniyaliklar yarim himoyachisi Fransishku Trinkau joriy mavsumda ijara asosida «Vulvs» safida to‘p tepmoqda. Agentning taklifiga ko‘ra, inglizlar uning transfer huquqini to‘liq sotib olishlari kerak.

«Barselona» esa Traoreni mavsum oxiriga qadar ijaraga oladi. Ammo 26 futbolchi maoshining aksariyat qismini "Vulvurxempton" to‘lashda davom etadi. "Barsa" esa maoshning bir qisminigina o‘z zimmasiga oladi. Bunga javoban "ko‘k-anorranglilar" Trinkauning transfer qiymatini pasaytirishadi.

Ushbu sxema orqali "Barselona" birorta futbolchini sotmasdan ham (jumladan, Dembeleni) Adama Traoreni ro‘yxatdan o‘tkazish imkoniyatiga ega bo‘ladi.