«Барселона» клуби «Вулверхэмптон» ярим ҳимоячиси Адам Траорени қишда қўлга киритиш учун ҳаракатларни олиб бормоқда. Шу билан биргаликда, "кўк-анорранглилар" янги ўйинчини рўйхатдан ўтказиш билан боғлиқ муаммога эга. Аслида Траорени Ла лигада рўйхатдан ўтказиш учун клуб бошқа ўйинчини сотиши керак. Аммо Траоренинг агенти — Жорже Мендеш трансфер схемасини таклиф қилди.  

Хабарингиз бор, каталонияликлар ярим ҳимоячиси Франсишку Тринкау жорий мавсумда ижара асосида «Вулвс» сафида тўп тепмоқда. Агентнинг таклифига кўра, инглизлар унинг трансфер ҳуқуқини тўлиқ сотиб олишлари керак.

«Барселона» эса Траорени мавсум охирига қадар ижарага олади. Аммо 26 футболчи маошининг аксарият қисмини "Вулвурхэмптон" тўлашда давом этади. "Барса" эса маошнинг бир қисминигина ўз зиммасига олади. Бунга жавобан "кўк-анорранглилар" Тринкаунинг трансфер қийматини пасайтиришади.

Ушбу схема орқали "Барселона" бирорта футболчини сотмасдан ҳам (жумладан, Дембелени) Адама Траорени рўйхатдан ўтказиш имкониятига эга бўлади.