"Benfika"ning ukrainalik hujumchisi Roman Yaremchuk faoliyatini Angliya premer-ligasida davom ettirishi mumkin, deb xabar beradi Correio da Manha.

Manbaning xabariga ko‘ra, 26 yoshli futbolchining xizmatlariga "Everton" qiziqish bildirmoqda. Portugaliya klubi Yaremchuk transferi uchun 17 million yevro olishni kutmoqda Angliyada qishki transfer oynasi bugun, 31 yanvar kuni yopiladi, shuning uchun transfer amalga oshishi uchun tomonlar kun oxirigacha kelishib, kelishuvni yopishi kerak.

Yaremchuk 2021 yilning yozida “Benfika” futbolchisiga aylandi. Joriy mavsumda hujumchi chempionatda 13 ta o‘yinda maydonga tushib, 6 ta gol urdi va 2 ta golli uzatmani amalga oshirdi. Bungacha hujumchi Kiyevning “Dinamo”, “Oleksandriya” va “Gent” klublarida to‘p tepgan. 2018 yildan Yaremchuk Ukraina terma jamoasiga chaqiriladi.