"Бенфика"нинг украиналик ҳужумчиси Роман Яремчук фаолиятини Англия премер-лигасида давом эттириши мумкин, деб хабар беради Correio da Manhа.
Манбанинг хабарига кўра, 26 ёшли футболчининг хизматларига "Эвертон" қизиқиш билдирмоқда. Португалия клуби Яремчук трансфери учун 17 миллион евро олишни кутмоқда Англияда қишки трансфер ойнаси бугун, 31 январь куни ёпилади, шунинг учун трансфер амалга ошиши учун томонлар кун охиригача келишиб, келишувни ёпиши керак.
Яремчук 2021 йилнинг ёзида “Бенфика” футболчисига айланди. Жорий мавсумда ҳужумчи чемпионатда 13 та ўйинда майдонга тушиб, 6 та гол урди ва 2 та голли узатмани амалга оширди. Бунгача ҳужумчи Киевнинг “Динамо”, “Олександрия” ва “Гент” клубларида тўп тепган. 2018 йилдан Яремчук Украина терма жамоасига чақирилади.
