Yevropa Futbol Assosiasiyalari Ittifoqi (UYEFA) Germaniyaning "Pizza Wolke" pissalar do‘koni ustidan sudga murojaat qildi.
Chunki, "Pizza Wolke" pissalar do‘koni o‘z menyusiga "CHAMPIGNONS LEAGUE" nomli pissani kiritdi. Shu sababli, UYEFA CHAMPIONS LEAGUE turniri nomidan foydalangan degan fikrga borib, sudga murojaat qildi. Bu haqda "Pizza Wolke" pissalar do‘konining "Instagram"dagi rasmiy sahifasi xabar tarqatmoqda.
"Pizza Wolke" do‘koni UYEFA murojaat qilgan sud qarorini ijtimoiy tarmoqlarda e’lon qilib, sud jarayonini «eng yaxshi reklama» deb atadi. Ularning sud maktubiga bergan bayonotida «kompaniya to‘g‘ri yo‘lda» ekanligi qayd etilgan.