Европа Футбол Ассоциациялари Иттифоқи (УЕФА) Германиянинг "Pizza Wolke" пиццалар дўкони устидан судга мурожаат қилди.
Чунки, "Pizza Wolke" пиццалар дўкони ўз менюсига "CHAMPIGNONS LEAGUE" номли пиццани киритди. Шу сабабли, УЕФА CHAMPIONS LEAGUE турнири номидан фойдаланган деган фикрга бориб, судга мурожаат қилди. Бу ҳақда "Pizza Wolke" пиццалар дўконининг "Инстаграм"даги расмий саҳифаси хабар тарқатмоқда.
"Pizza Wolke" дўкони УЕФА мурожаат қилган суд қарорини ижтимоий тармоқларда эълон қилиб, суд жараёнини «энг яхши реклама» деб атади. Уларнинг суд мактубига берган баёнотида «компания тўғри йўлда» эканлиги қайд этилган.