"Fiorentina" prezidenti Rosso Benito Komisso jamoa hujumchisi Dushan Vlaxovichning "Yuventus"ga transferi haqida fikr bildirdi.
“Noyabr oyida biz Vlaxovich va uning agenti bilan uchrashdik. Uchrashuv yaxshi kayfiyatda o‘tdi va men uyimga ishonch bilan qaytdim. Ertasiga yangi shartnoma imzolashimizga ishongan holatda yana uchrashuv belgiladik. Ammo uning agenti maoshni ikki barobarga oshirishimizni talab qildi. Vlaxovich qaysidir jamoa bilan kelishib qo‘yganini taxmin qilish mumkin edi, chunki Angliyadan u uchun ham, biz uchun ham qulay takliflar tushsada u hammasini rad etardi.
Vlaxovich va uning agenti yolg‘onchilar. Siz meni, klubni tanqid qilishingiz mumkin. Ammo klub uni tekinga qo‘yib yuborganidan ko‘ra ushbu kelishuv klub uchun ko‘proq manfaat keltiradi”, - dedi funksioner.
