"Фиорентина" президенти Россо Бенито Комиссо жамоа ҳужумчиси Душан Влаховичнинг "Ювентус"га трансфери ҳақида фикр билдирди.
“Ноябрь ойида биз Влахович ва унинг агенти билан учрашдик. Учрашув яхши кайфиятда ўтди ва мен уйимга ишонч билан қайтдим. Эртасига янги шартнома имзолашимизга ишонган ҳолатда яна учрашув белгиладик. Аммо унинг агенти маошни икки баробарга оширишимизни талаб қилди. Влахович қайсидир жамоа билан келишиб қўйганини тахмин қилиш мумкин эди, чунки Англиядан у учун ҳам, биз учун ҳам қулай таклифлар тушсада у ҳаммасини рад этарди.
Влахович ва унинг агенти ёлғончилар. Сиз мени, клубни танқид қилишингиз мумкин. Аммо клуб уни текинга қўйиб юборганидан кўра ушбу келишув клуб учун кўпроқ манфаат келтиради”, - деди функционер.
