“Yuventus” hujumchisi Alvaro Morata qishki transferlar oynasi vaqtida Kataloniyaning “Barselona” jamoasida o‘ynashni istagandi. Biroq, bu Turin klubi murabbiyi Allegri va futbolchining huquqlariga egalik qiladigan “Atletiko” jamoasiga ma’qul kelmagan. Shu sabab, ispan futbolchisi mavsum oxirigacha “Yuventus”da qolishga qaror qildi.

Britaniya nashrlarining xabar berishicha, Italiya klubi ijarada o‘ynayotgan Alvaroni to‘liq sotib olishni istashmayapti. Shu sabab, Madrid klubi futbolchining agentiga  Morata uchun yangi jamoa izlashini aytgan.

“Arsenal” qishki transfer oynasida hujumchi sotib olmoqchi edi. Ammo, bir qancha futbolchilar “to‘pchilar”ning taklifiga rad javobini berishdi.  Shu sabab, “kanonirlar” forvard sotib olishni yozga qoldirishdi. Mikel Arteta kelasi transfer bozorida ikkita hujumchi bilan shartnoma imzolashni istamoqda, biri “Real Sosyedad” hujumchisi Isak bo‘lsa, ikkinchisi Morata hisoblananadi. Alvaro avval ham Premyer-ligada o‘ynagan va shu sabab Londonga qaytishga qarshi emasligini bildirgan.