"Vest Xem" qishki transferlar oynasining so‘nggi kunida "Benfika" hujumchisi Darvin Nunezni o‘z safiga qo‘shib olmoqchi bo‘lgan, deya xabar berdi jurnalist Fabrisio Romano.
Ma’lumotlarga ko‘ra, "bolg‘achilar" futbolchi uchun portugaliya klubiga 48 million yevro taklif qilgan, ammo "Benfika" har qanday holatda ham uni jamoada saqlab qolishga harakat qildi va taklifga rad javobini berdi.
Joriy mavsum, 22 yoshli Nunez jamoasi uchun barcha turnirlarda 25 o‘yinda maydonga tushib, 20 ta gol va 2 golli uzatmani amalga oshirdi. Transfermarkt portali uni 32 million yevroga baholagan.
