"Вест Хэм" қишки трансферлар ойнасининг сўнгги кунида "Бенфика" ҳужумчиси Дарвин Нунезни ўз сафига қўшиб олмоқчи бўлган, дея хабар берди журналист Фабрицио Романо.
Маълумотларга кўра, "болғачилар" футболчи учун португалия клубига 48 миллион евро таклиф қилган, аммо "Бенфика" ҳар қандай ҳолатда ҳам уни жамоада сақлаб қолишга ҳаракат қилди ва таклифга рад жавобини берди.
Жорий мавсум, 22 ёшли Нунез жамоаси учун барча турнирларда 25 ўйинда майдонга тушиб, 20 та гол ва 2 голли узатмани амалга оширди. Трансфермаркт портали уни 32 миллион еврога баҳолаган.
