“Manchester Siti” himoyachisi Benjamin Mendi navbatdagi zo‘rlashga urinishda ayblandi, deb xabar beradi “Goal.com”.

Umuman olganda, futbolchi olti nafar ayol ishtirokidagi to‘qqizta jinsiy huquqbuzarlikda ayblanmoqda. Bugun bo‘lib o‘tgan sud kelasi jarayonida ushbu masala yana qayta ko‘rib chiqildi va kelasi sud 2022 yil 25 iyulga belgilandi. Sud jarayoni olti hafta davom etishi mumkin. 11 mart kuni sudgacha bo‘lgan navbatdagi sud majlisi bo‘lib o‘tadi. Eslatib o‘tamiz, 7 yanvar kuni Mendi 24 yanvarga qadar garov evaziga qo‘yib yuborilgan edi. Fransiyalik futbolchi 134 kunni hibsda o‘tkazdi.

Avgust oyi oxirida “Manchester Siti” Mendini diskvalifikasiya qilganini e’lon qildi. Himoyachi 2017 yildan buyon “shaharliklar” safida o‘ynab kelmoqda va klub bilan uch marta Premyer-ligada g‘olib chiqqan. Bungacha Benjamin Fransiyada “Gavre”, “Marsel” va “Monako” klublarida to‘p tepgan.