“Манчестер Сити” ҳимоячиси Бенжамин Менди навбатдаги зўрлашга уринишда айбланди, деб хабар беради “Goal.com”.

Умуман олганда, футболчи олти нафар аёл иштирокидаги тўққизта жинсий ҳуқуқбузарликда айбланмоқда. Бугун бўлиб ўтган суд келаси жараёнида ушбу масала яна қайта кўриб чиқилди ва келаси суд 2022 йил 25 июлга белгиланди. Суд жараёни олти ҳафта давом этиши мумкин. 11 март куни судгача бўлган навбатдаги суд мажлиси бўлиб ўтади. Эслатиб ўтамиз, 7 январь куни Менди 24 январга қадар гаров эвазига қўйиб юборилган эди. Франциялик футболчи 134 кунни ҳибсда ўтказди.

Август ойи охирида “Манчестер Сити” Мендини дисквалификация қилганини эълон қилди. Ҳимоячи 2017 йилдан буён “шаҳарликлар” сафида ўйнаб келмоқда ва клуб билан уч марта Премьер-лигада ғолиб чиққан. Бунгача Бенжамин Францияда “Гавре”, “Марсел” ва “Монако” клубларида тўп тепган.