Zamonaviy futbolda eng yaxshi o‘yinchilarning ko‘pchiligi klub va terma jamoa safida 10-raqamli formada harakat qilishni ma’qul ko‘rishadi.

Maradona va Messi buni Argentina uchun qilishdi va ularning ashaddiy janubiy amerikalik raqiblari Braziliya ham o‘ziga xos 10-raqamli to‘plamga ega. Keling, buyuk Peledan boshlaylik.

Edson Arantyes du Nasimento (Pele)

Pelening "Santos"dagi faoliyati bilan bog‘liq bo‘lgan hayratlanarli to‘purarlik statistikasining to‘g‘riligi haqida bahs-munozaralar mavjud, biroq uning o‘z mamlakati uchun eng yuqori darajadagi rekordlari haqida hech qanday bahs bo‘lishi mumkin emas. “Selesao” uchun uchta Jahon chempionatida g’alaba qozongan.

Rivaldo

O‘z avlodining eng iqtidorli pleymeykerlaridan biri Rivaldo har bir braziliyalik futbolchi orzu qiladigan uchta katta sovrinni qo‘lga kiritdi: Jahon chempionati, Amerika kubogi va Chempionlar ligasi. U "Milan", "Barselona" va ayniqsa Braziliya termasi safida o‘zining eng yorqin damlarini o‘tkazgan. Qayd etish kerakki, Rivaldo Toshkentning “Bunyodkor” klubi sharafini himoya qilgan vaqtda ham 10-raqamda harakat qilgan.

Ronaldinyo

Ronaldinyo yuzida mast qiluvchi tabassum bilan futbol o‘ynadi, shu bilan birga himoyachilarni boshi aylantirib yuborish darajasida fintlar qilardi. Bu futbolchi ham
Braziliya tarkibida Jahon chempionligini qo‘lga kiritgan.

Kaka

2007 yilgi "Oltin to‘p" sovrindori Rikardo Izekson dos Santos Leyte. Kaka nomi bilan ham tanilgan, maydon bo‘ylab nafis harakatlarni amalga oshirardi. Uning bo‘yi esa unga himoyachilardan kuch bilan o‘tishga yordam berardi. Jarohatlar uning faoliyatiga katta ta’sir ko‘rsatdi. "Real Madrid"ga o‘tgan Kakada biz “Milan’dagi va Brazilya termasi safida shijoatni ko‘ra olmadik. Lekin u "Milan"da dunyoning eng yaxshi futbolchisi edi va uni tomosha qilish zavqli edi.

Neymar

“PSJ” super yulduzining rekord darajadagi summa evaziga shartnoma imzolashi hammani o‘z vaqtida lol qoldirgan. Uning "Barselona"dan “PSJ”ga o‘tgach o‘yini pasaygani bor gap.

Lekin u tarixda kam sonli Libertadores kubogi va Chempionlar ligasi finallarida gol urgan futbolchilardan biri sanaladi.