Замонавий футболда энг яхши ўйинчиларнинг кўпчилиги клуб ва терма жамоа сафида 10-рақамли формада ҳаракат қилишни маъқул кўришади.

Марадона ва Месси буни Аргентина учун қилишди ва уларнинг ашаддий жанубий америкалик рақиблари Бразилия ҳам ўзига хос 10-рақамли тўпламга эга. Келинг, буюк Пеледан бошлайлик.

Эдсон Арантьес ду Насименто (Пеле)

Пеленинг "Сантос"даги фаолияти билан боғлиқ бўлган ҳайратланарли тўпурарлик статистикасининг тўғрилиги ҳақида баҳс-мунозаралар мавжуд, бироқ унинг ўз мамлакати учун энг юқори даражадаги рекордлари ҳақида ҳеч қандай баҳс бўлиши мумкин эмас. “Селесао” учун учта Жаҳон чемпионатида гъалаба қозонган.

Ривалдо

Ўз авлодининг энг иқтидорли плеймейкерларидан бири Ривалдо ҳар бир бразилиялик футболчи орзу қиладиган учта катта совринни қўлга киритди: Жаҳон чемпионати, Америка кубоги ва Чемпионлар лигаси. У "Милан", "Барселона" ва айниқса Бразилия термаси сафида ўзининг энг ёрқин дамларини ўтказган. Қайд этиш керакки, Ривалдо Тошкентнинг “Бунёдкор” клуби шарафини ҳимоя қилган вақтда ҳам 10-рақамда ҳаракат қилган.

Роналдиньо

Роналдиньо юзида маст қилувчи табассум билан футбол ўйнади, шу билан бирга ҳимоячиларни боши айлантириб юбориш даражасида финтлар қиларди. Бу футболчи ҳам
Бразилия таркибида Жаҳон чемпионлигини қўлга киритган.

Кака

2007 йилги "Олтин тўп" совриндори Рикардо Изексон дос Сантос Лейте. Кака номи билан ҳам танилган, майдон бўйлаб нафис ҳаракатларни амалга оширарди. Унинг бўйи эса унга ҳимоячилардан куч билан ўтишга ёрдам берарди. Жароҳатлар унинг фаолиятига катта таъсир кўрсатди. "Реал Мадрид"га ўтган Какада биз “Миланъдаги ва Бразиля термаси сафида шижоатни кўра олмадик. Лекин у "Милан"да дунёнинг энг яхши футболчиси эди ва уни томоша қилиш завқли эди.

Неймар

“ПСЖ” супер юлдузининг рекорд даражадаги сумма эвазига шартнома имзолаши ҳаммани ўз вақтида лол қолдирган. Унинг "Барселона"дан “ПСЖ”га ўтгач ўйини пасайгани бор гап.

Лекин у тарихда кам сонли Либертадорес кубоги ва Чемпионлар лигаси финалларида гол урган футболчилардан бири саналади.